Mujh Se Yaa Rab Mere LafzoN ki Kamaai Lele

<< Ahmad Faraz >>

*******

Wehsht-e-dil sila-e-aabla paai lele
Mujh se yaa rab mere lafzoN ki kamaai lele

*

Aqal har baar dikhati thi jale haath apne
Dil ne har baar kaha aag praai lele

*

Main to us subh-e-darakhshaN ko tawangar jaanuN
Jo mere she’hr se kashkol-e-gadaai lele

*

Tu Gani hai magar itni hai sharaait teri
Wo muhabbat jo hamen raas n aai lele

*

Aisa nadan kharidaar bhi koi hogaa
Jo tere gham ke ewaz saari khudaai lele

*

Apne diwaan ko galiyoN mein liye phirta hun
Hai koi jo hunar-e-zakhm numaai lele

*

Meri khatir n sahi apni anaa ki khatir
Apne bandoN se to pindar-e-khudai lele

***

(Click here for more kalam-e-Ahmad Faraz)