( Bashir Badr )
< – >
Hamara dil savere ka sunehra jaam ho jaye
CharagoN ki tarah aankheN jale jab shaam ho jaye
*
Mein khud bhi ehtiyatan us taraf se kam guzarta hun
Koi masoom kyun mere liye badnaam ho jaye
*
Ajab halaat the, yun dil ka sauda ho gaya aakhir
Muhabbat ki haweli jis tarah nilaam ho jaye
*
Mujhe malum hai us ka thikana phir kahan hoga
Parinda aasmaN chhoone mein jab nakaam ho jaye
*
Samandar ke safar mein is tarah aawaaz de ham ko
HawayeN tez hoN aur kashtiyoN mein shaam ho jaye
*
Ujale apni yaadoN ke hamare saath rehne do
N jane kis gali mein zindagi ki shaam ho jaye
*
(( Click here for more kalam-e-Bashir Badr ))
I love shyri
bahot badiya. Share more with us.plz
Subhanallah
Bahut qhoob
bahut khub
V nice
I loved sayeri
Nice shayri