N Shakh-o-Gul Pe N KhaaroN Pe Ikhtiyaar Mujhe

<< Sayyid Randeri >>

*****

N shaakh-o-gul pe n khaaro’n pe ikhtiyaar mujhe
Ho kis tarha se fiza aysi saazgaar mujhe

*

He abdiyat ka jo iqraar baar baar mujhe
Sar-e-niyaaz jhuka ne me kysi aar mujhe

*

Tere sitam ki kahan hogi taab yaar mujhe
Tera karam hi guzarta he aaj baar mujhe

*

Me us maqaam pe pohuncha hun ishq ke sadqe
Ke be-qarariya’n dene lagi qaraar mujhe

*

Kisi bhi haal me tar-daamni meri n gai
Bahaar bhi jo mili he to ashk-baar mujhe

*

Me tere gosh-e-dil me muqeem hun ab tak
Nazar jhuka ke muhabbat se too pukaar mujhe

*

Khyaal me bhi n laaye jo umar bhar mujh ko
Karenge yaad mere baad baar baar mujhe

*

N bhool kar bhi ye “sayyid” bhula sake ga tujhe
Diya he zakhm-e-jigar too ne yaad gaar mujhe

*

(click here for more kalam-e-Sayyid Randeri)