Niklay Safar Pay Hum To Tere Ghar Bhi Aaenge

(Mohsin Naqvi)

*

Aankhain khuli rahain gi toh manzar bih aaenge
Zinda hai dil to aur sitamgar bhi aaenge

*
Pehchhan lo tamaam faqeeroN ke khadd-o-khaal
Kuchh log shab ko bhes badal kar bhi aaenge

*
Gehri khamosh jheel ke paani ko yun na chhed
Cheente uday to teri qaba par bhi aaenge

*
Khud ko chhupa n sheesha garon ki dukaan main
Sheeshey chamak rahey hain toh pathar bhi aaenge

*
Ae shehr-e-yaar dasht say fursat nahin magar
Niklay safar pay hum to tere ghar bhi aaenge

*

“Mohsin” abhi saba ki sakhawat pay khush n ho
Jhonkay yehi basoorat-e-sar sar bhi aaenge

*

( Click here for more kalam-e-Mohsin Naqvi )