Sabar Karna Abhi Se Mushkil Hai | Ahmad Faraz

<< Ahmad Faraz >>

*******

Aashiqi be-dili se mushkil hai
Phir muhabbat usee se mushkil hai

*

Ishq aagaz hi se mushkil hai
Sabar karna abhi se mushkil hai

*

Ham hain aasaan or hamare liye
Dushmani dosti se mushkil hai

*

Jis ko sab be-wafaa samajhte hoN
Be-wafaai usee se mushkil hai

*

Ek ko dusre se sahel n jaan
Har koi har kisi se mushkil hai

*

Tu b-zid hai to jaa “Faraz” magar
Vapasi us gali se mushkil hai

***

(Click here for more kalam-e-Ahmad Faraz)