Kon Kehta He Ke Wo Dil-Daar Hai | Ghazal

Shayari e Ishq

<< Shayari e Ishq by Sayyid Randeri >>

♥♥♥
Kon Kehta Hai Ke Wo Dil-Daar Hai
Dil Ko Jo Lag jaye Wo Aazar* Hai
*Aazar = Marz/Bimari/Preshani
♥
Wo kahe us but se ham ko pyar hai
Zindagi se apni jo bezaar hai
♥
Aah.! Kya Unki Nazar Ka Vaar Hai
Teer Hai Barchhi Hai Ya Talwar Hai
♥
Jao Ji Ab Ho Chuki Khalwat* Bohot
Yun Milo To Wasl* Bhi Bekar Hai
*Khalwat = Tanhaai | *Wasl = Milan
♥
Ham Chale Kashti Liye Toofan Mein
Hath Mein Tooti Huai Patwaar Hai
♥
Jeene Wale Kya Jiyenge Chen Se
Aap Ka Ahsan Jo Sarkaar Hai
♥
Boj e Gham Kitna Liye Phirte The Ham
Aaj Baar-e-Zindagi* Dushwaar Hai
Baar  = boj / bhar / wazan
♥
Kya Anokhi Thi Khabar Akhbaar Mein
Hamsafar “Sayyid” Ko ik Darkaar Hai
♥

Mazeed :  Kalam e Sayyid   |   FB Page