Sochta Hun Tere Aanchal Ka Kinaraa Hi N Ho

<< By Jan Nissar Akhtar >>

*

Zindagi ye to nahin tujh ko sanvaara hi n ho
Kuchh n kuchh teraa bhi ehsaan utara hi n ho

*

Kuu-e-qaatil* ki badi dhoom hai, chal kar dekhen
Kya khabar kooch-e-dildaar se pyara hi n ho

Kuu-e-Qaatil = Qaatil ki gali

*

Dil ko chhoo jaati hai youn raat ki aawaaz kabhi
Chaunk uthtaa hun kahin tuune pukara hi n ho

*

Kahbi palkon pe chamakti hai jo ashkon ki lakeer
Sochta hun tere aanchal ka kinaraa hi n ho

*

Sharm aati hai ke us shehar mien ham hai ke jahan
N mile bheek to laakhon ka guzaara hi n ho

*

(( Click here for more Kalam-e-JaaN Nisar Akhtar ))