Ghazal by Bashir Badr
♥
Raat aankhon mein dhali, palkon pe jugnu aaye
Ham hawaaon ki tarah jaa ke use chhuu aaye
♥
Bas gai hai mere ehsaas mein ye kaisi mahek
Koi khushbu mein lagaaun, teri khushbuu aaye
♥
Mera aaina bhi ab meri tarah pagal hai
Aaina dekhne jaaun to nazar tu aaye
♥
Kis takalluf se gale milne ka mausam aaya
Phool kaghaz ke liye kaanch ke baazuu aaye
♥
Us ne chhoo kar mujhe patthar se phir insan kiya
Muddaton baad meri aankh mein aansuu aaye
♥
Mazeed: kalam – e – Bashir Badr





