web statistics

Mehfil-e-Shayri

The Grand Collection of Great Urdu Poetry / Shayari

Hasrat Mohani

Urdu Shayari – Ab To Karni Hi Padegi Dil Ki Qurbani Mujhe

by Leave a Comment

Urdu Shayari by Hasrat Mohani

♥

Aql se hasil hui kya kya pashemani mujhe
Ishq jab dene laga taleem-e-nadaani mujhe

Pashemani = sharmindagi

Ranj degi baagh-e-rizvaaN ki tan-aasani mujhe
Yaad aayega tera lutf-e-sitam-raani mujhe

Ranj = Gham | baagh-e-rizvaaN = Garden of Paradise | tanaasani = rahat
lutf e sitamraani = zulm ka maza

Meri janib hai mukhatib khaas kar wo chashm-e-naaz
Ab to karni hi padegi dil ki qurbani mujhe

Mukhaatib = Addressing / sanbodhit | Chashm = Aankh

Dekh leta ab kahin aakar jo vo ghaflat shiaar
Kis qadar ho jaaye mar jaane mein aasani mujhe

Ghaflat shiaar = ghafil/beparwah/bholne waala

Be naqaab aane ko hai maqtal mein wo beshak magar
Dekhne kaaheko degi meri hairaani mujhe

Maqtal = QatalKhana

Sekadon aazadiyan is qaid par “Hasrat” nisaar
Jis ke baa’is kehte hein sab un ka zindaani mujhe

Baais = karan/wajah se | Zindaani = Qaidi

Urdu Shayari♥Urdu Shayari

More urdu shayari by Hasrat Mohani

Mazeed:  Hasrat Mohani

Facebooktwitterredditpinterestlinkedinmail
Post Views: 512

Hasrat Mohani Ghazal : Ab to Uth Sakta Nahin – in urdu hindi

by Leave a Comment

Hasrat Mohani ki Shayari

♥
Ab to uth sakta nahin aankhoN se baar-e-intezaar
Kis tarah kaate koi lail-o-nahar-e-intezaar

lail-o-nahar-e-intezaar = intezaar ke raat din

Unki ulfat ka yaqeeN ho, un ke aane ki ummeed
Ho ye dono suraten tab hai bahar-e-intezaar

Meri aahen na-rasaa, meri duaaen naa-qubool
Yaa ilahi..!! kya karun mein sharm-saar-e-intezaar

na-rasaa = pahonch se bahar

Unke khat ki aarzoo hai, un ki aamad ka khayaal
Kis qadar phela huwa hai kar-o-bar-e-intezaar

♥

Hasrat Mohani ki Shayari

urdu hindi script  [Read more…] about Hasrat Mohani Ghazal : Ab to Uth Sakta Nahin – in urdu hindi

Facebooktwitterredditpinterestlinkedinmail
Post Views: 766

Hasrat Mohani Poetry : Achchha Khafaa Ho Jaayye

by Leave a Comment

Hasrat Mohani Urdu Shayari

♥
Tod kar ahd-e-karam naa-aashna ho jaayye
Banda parwar jaayye achchha khafa ho jaayye

Raah meN milye kabhi mujh se to az-rah-e-sitam
Hont apne kaat kar foran judaa ho jaayye

Jee mein aata hai ke us shokh-e-taghaful kesh se
Ab n miliye phir kabhi aur bewafa ho jaayye

Haay re be-ikhtiyari yun to sab kuchh ho magar
Us sraapa naaz se kyun kar khafa ho jaayye
♥

Mazeed: Hasrat Mohani

Learn Photoshop In Just 2 Hours

Facebooktwitterredditpinterestlinkedinmail
Post Views: 2,346

Hasrat Mohani | Aabroo kuchh to Rehgai Dil Ki

by Leave a Comment

Hasrat Mohani poetry

♥

Aap ne qadr kuchh n ki dil ki
Ud gai muft mein hansi dil ki

♥

Yaad har haal mein rahe wo mujhe
Al-garaz baat reh gai dil ki

♥

Mil chuki ham ko un se daad-e-wafa
Jo nahin jaante lagi dil ki

♥

Chain se mahw-e-khwab-e-naaz hai wo
Bekali ham ne dekh li dil ki

♥

Un se kuchh to mila, wo gham hi sahi
Aabroo kuchh to reh gaii dil ki

♥

Mar mite ham, n ho saki puuri
Aarzoo tum se ek bhi dil ki

♥

Wo jo bigde raqeeb se “Hasrat”
Aur bhi baat ban gai dil ki

♥

 Mazeed: Hasrat Mohani

Facebooktwitterredditpinterestlinkedinmail
Post Views: 2,612

Dekhana Bhi To Unhen Duur Se Dekhaa Karanaa

by Leave a Comment

Ghazal

*

Dekhana bhi to unhen duur se dekhaa karanaa
Shewaa-e-ishq* nahii.n husn ko rusavaa karanaa
Shewa = tariqa / reet / dastoor
*
Ek nazar hi teri kaafi thi ki ai raahat-e-jaan
kuchh bhi dushwaar* n thaa mujh ko shakibaa* karanaa
Dushwaar = mushkil | Shakibaa = mariz / rogi
*
Un ko yaaN waade pe aa lene de ay abr-e-bahaar
Jis taraa chaahana phir baad men barasaa karanaa
*
Shaam ho yaa ki sahar, yaad unhin ki rakh le
Din ho yaa raat, hamen zikr unhin kaa karanaa
*
Kuchh samajh men nahin aataa ki ye kyaa hai ‘Hasrat’
Un se milakar bhi n izhaar-e-tamannaa karanaa
*

By Hasrat Mohani

Facebooktwitterredditpinterestlinkedinmail
Post Views: 2,811