Janab sohail ahmed azizi sahab ki daastaan e hayaat, haalaat o waaqiat, takaleef aur jadd o jihad ki daastaan, Janaab azizi sahab ki apni zubani.
Jadd o Jihad | Daastaan e Sohail Ahmed Azizi
pakistani
Us Ko Kho Kar To Mere Paas Bacha Kuchh Bhi Nahin
Akhtar Shumaar Shayari
Akhtar Shumaar : Bacha Kuchh Bhi Nahin
♥
Us ke nazdeek gham-e-tark-e-wafa kuchh bhi nahin
Mutmain aisa hai wo, jese hua kuchh bhi nahin
♥
Ab to haathon se lakeerain bhi miti jaati hai
Us ko kho ker to mere paas raha kuchh bhi nahin
♥
Kal bicharrna hai to phir ehd-e-wafa soch ke baandh
Abhi aaghaaz-e-muhabbat hai gaya kuchh bhi nahin
♥
Main to is waaste chup hoon keh tamaasha n bane
Tu samajhta hai mujhe tujh se gila kuchh bhi nahin
♥
Chaar din reh gaye maile mein magar ab ke bhi
Us ne aane ke liye khat mein likha kuchh bhi nahin
♥
Aye “Shumaar” aankhain isi tar’ha bichaaye rakhna
Jaane kis waqt wo aa jaaye, pata kuchh bhi nahin
♥
Poet: Akhtar Shumaar
♥
Ab To Ham Baat Bhi Karte Nahin Ghamkhwaar Ke Saath
Ahmad Faraz ki Shayari / Ghazal
♥
WehshateN badhti gai hijr ke aazaar ke saath
Ab to ham baat bhi karte nahin ghamkhwar ke saath
Wehshat = Ghabrahat | Hijr = Tanhaai | Aazaar = Marz / Bimari
♥
Ab to ham ghar se nikalte hain to rakh dete hein
Taaq par izzat-e-saadaat bhi dastaar ke saath
Dastaar = Paghdi/Safaa
♥
Ek to khwaab liye phirte ho galiyon galiyo
Uspe takraar bhi karte ho khareedar ke saath
♥
Is qadar khauf hai us shehr ki galiyon mein, ke log
Chaap sunte hein to lag jaate hein deewaar ke saath
Chaap = Qadmon ki aahat
♥
Shehr ka shehr hi naaseh ho to kya kijiyega
Warna ham rind to bhidh jaate hein do chaar ke saath
Naaseh = Nasihat karne waala | Rind = Sharabi
♥
Ham ko us aehd mein tameer ka soda hai jahan
Log me’amaar ko chun dete hein diwaar ke saath
Tameer = Building / nirman | me’amaar = Architect / wastukar
♥
Jo sharaf ham ko mila koocha-e-jaana se “Faraz”
Soo-e-maqtal bhi gaye hain usi pindaar ke saath
koocha-e-jaana = mahboob ki gali | pindaar = guroor/garv
♥
Ahmad Faraz ki Shayari / Ghazal
Mazeed: kalam-e-Ahmad Faraz
Usne Jab Jab Bhi Mujhe Dil Se Pukara “Mohsin”
<< Mohsin Naqvi >>
*******
Usne jab jab bhi mujhe dil se pukara mohsin
Mein ne tab tab yeh bataya ke tumhara mohsin
*
Log sadyon ki khataon pe bhi khush rhte hain
Humko lamhon ki wafaon ne ujada mohsin
*
Jab yaqiN aagaya ab wo nahin aayegaa
Gham aur anso ne diya dil ko sahara mohsin
*
Woh tha jab pas to jeene ko bhi dil karta tha
Ab to pal bhar bhi nahin hota guzara mohsin
*
Usko pana to muqadar ki lakeron men nahin
Uska khona bhi kareN kaisa gawaraa mohsin
*
( Click here for more kalam-e-Mohsin Naqvi )
Adab Pare – HASB-E-HAAL – 19-01-2013
*
Mein ne mitti se muhabbat ka sila manga tha
Is ka matlab ye nahin tha ke dabado mujhko
*
Naeii Tarah se nibhane ki dil ne thaani hai
Wagarna usse muhabbat bohot purani hai
*
Khuda wo din n dikhaaye ke mein kisi se sunu
Ke tu ne bhi gham-e-duniya se haar mani hai
*
ZameeN pe rehke sitare shikaar karte hein
Mizaaj ehl-e-muhabbat ka aasmaani hai
*
HameN aziz ho kyuNkar n shaam-e-gham, ke yahi
Bichharne waale teri aakhari nishani hai
*
Utar pade ho to darya se poochna kaisa
Ke sahiloN se udhar kitna tez paani hai
*
Bohot dinoN mein teri yaad aurhkar utri
Ye shaam kitni sunehri hai, kya suhani hai
***