web statistics

Mehfil-e-Shayri

The Grand Collection of Great Urdu Poetry / Shayari

Shayri e Dard

Best Ghazal | Mera Khoon Peekar Jo Palta Raha

by 2 Comments

Best Ghazal FB Page

Best Ghazal By Sayyid Randeri

***

Mohabbat Ke Sanche Mein Dhalta Raha
Ishare Pe Mein Dil Ke Chalta Raha
*
Badi Kaam Aayi Lagan Ishq Mein
Main Gir Gir Ke Khud Hi Sambhalta Raha
*
Nigahen Barasti Rahi Raat Bhar
Magar Zakhm-E-Dil Tha Ke Jalta Raha
*
Whi Ishq Ab Dushman-E-Jaan Hai
Mera Khoon Peekar Jo Palta Raha
*
Jise Dar Se Duniya Ke Dafna Diya
Wo Arman Phir Bhi Machalta Raha
*
Na Milpaai Taabeer Lekin Ye Dil
Hnsee’n Khaab Se Hi Behelta Raha
*
B-Zaahir To Mein Ji Gya Ishq Mein
Magar Umr Bhar Dam Nikalta Raha
*
Wo “Sayyid” Raqeebon Se Milte Rahe
Main Hasrat Se Haathon Ko Malta Raha
***

(( Click Here for More Kalam-e-Sayyid Randeri ))

Facebooktwitterredditpinterestlinkedinmail
Post Views: 89,509

Chale Jaane Se Ek Tere – Ghazal by Sayyid Randeri

by Leave a Comment

Sayyid Randeri Urdu Shayri

♥

Chale jaane se ek tere, huwa saraa jahaN veeraN
Chhupa hai chand jab se, ho gaya hai aasmaN veeraN

Utha lena tha duniya se wafa ke saat insaaN ko
Ilaahi jab makeeN uth jaaye hota hai makaaN veeraN

Ye kin haathon mein de di yaa ilahi hind ki qismat
Chaman ko kar raha hai aaj khud hi baghbaN veeraN

Wahan gulshan mein tere khil rahe hain phool chahat ke
Meri tanhaaiyaN karti rahi mujh ko yahaN veeraN

Khushi ke geet mein jab bhi sunata hun zamane ko
Nikal aati hai toote dil se aksar daastaaN veeraN

Khuda ne taqat-e-guftaar* di haq baat kehne ko
N haq goii* pe uth paaye to hai aysi zubaN veeraN

taqat e guftaar = baat karne ki taqat | haq goii = sach bolna

Ye aasaar-e-qayaamat hai, khuda hi khair farmaye
DuaaeN baanj hai, insan ki aah-o-fugaaN veeraN

Irade nek-o-pukhta ho, balaayeN chhoo nahin sakti
Tujhe karta hai khud “Sayyid” tera wahm-o-gumaN veeraN

♥

Sayyid Randeri Ghazal in Urdu/Hindi

♥

Mazeed : kalam-e-Sayyid Randeri

Facebooktwitterredditpinterestlinkedinmail
Post Views: 20,787

Husn Aur Zwaal | Nazam by Allama Iqbal

by 1 Comment

Allama Iqbal

Allama Iqbal Shayari

Urdu nazam “Husn Aur Zwaal” (allama iqbal r.h.)

Khuda se husn ne ek roz ye swaal kiya
JahaN mein kyun n mujhe tuu ne lazwaal kiya

Mila jawaab ke tasweer khaana hai duniya
Shab-e-draaz-e-adam ka fasana hai duniya

Hui hai rang-e-taghayyur se jab namood is ki
Wahi haseen hai, haqeeqat zwaal hai jiski

Kahin qreeb tha ke ye guftgu qamar ne suni
falaq pe aam hui, akhtar-e-sahar ne suni

Sahar ne tare se sun kar suaai shabnam ko
Falaq ki baat bata di zameeN ke mahram ko

Bhar aaye phool ke aansoo pyaam-e-shabnam se
Kali ka nanha sa dil khoon ho gaya gham se

Chaman se rota huaa mosam-e-bahaar gaya
Shabaab sair ko aaya tha, sogwaar gaya

Mazeed : Bikhre Moti  |  Editors Picks  |  Nazam  |  FB Page

 

Facebooktwitterredditpinterestlinkedinmail
Post Views: 13,318