<< Sayyid Randeri >>
♥♥♥
Tere dam se hi jaan hai wallah
Jaan hai to jahaan hai wallah
♥
Zakhm khaaye to muddaten guzri
Dil pe ab tak nishaan hai wallah
♥
Din yahi to he dil laga ne ke
AarzooeN jawaan hai wallah
♥
Jab wo mehfil main be-hijaab aae
Kis ki jaa’n ko amaan hai wallah
♥
Jab se aae qadam tere, dil maiN
Ye zamee’n aasmaan hai wallah
♥
Zakhm khakar bhi muskurate haiN
Ishq waalon ki shaan he wallah
♥
Ishq, or khoo’n baha ka talib ho?
Kitna fasid gumaan hai wallah
♥
Gham ki aandhi me’n dil ki hasti kya
Ek purana makaan hai wallah
♥
(Click here for more kalam-e-Sayyid Randeri)
Leave a Reply