Urdu Shayari Manzil e Gham, By Saghar Siddiqui

*
Manzil-e-gham ki fizaaon se lipat kar ro lun
Tere daman ki hawaaon se lipat kar ro lun

*

Jaam-o-may peene se pehle mera jee chahta hai
Bikhri zulfon ki ghataaon se lipat kar ro lun

*

Zard ghunchon ki nigaahon mein nigahen daalun
Surkh phoolon ki qubaaon se lipat kar ro lun

*

Aane waale tere raste me bichaaun aankhen
Jaane waale tere paaun se lipat kar ro lun

*

Apne majboor taqaddus ke sahare “Saghar”
Der o kaba ke khudaon se lipat kar ro lun

*

( Click here for more kalam-e-Saghar Siddiqui )