(Qateel Shifai)
<->
Tere mehndi lage hathon pe mera naam likkha hai
Zara se lafzz main kitna bada paighaam likkha hai
*
Yeh teri shaan ke shayaaN nahin, lekin he majboori
Teri masti bhari aankhon ko mene jaam likkha hai
*
Main shayar hoon, magar aage n barh paya riwayat se
Labon ko pankhdi, zulfon ko mein ne shaam likkha hai
*
Mujhe maut aaye gi jab bhi, tere pehluu main ayegi
Tere gham ne bohat achchha mera anjaam likkha hai
*
Meri qismat mein hai ek din graftaar-e-wafaa hona
Mere chehre pe tere pyaar ka ilzaam likkha hai
*
“Qateel” ik khoobsurat but hai, main jis ka punjaari hun
Mere mazhab ke khaane mein magar Islam likkha hai
***
( Click here for more kalam-e-Qateel Shifai )
good