Teri Yaadon Ko Kaleje Se Lagaa Rakkhaa Hai

.

<< by Jan Nissar Akhtar >>

*

Kon kehta hai tujhe mein ne bhula rakkhaa hai
Teri yaadon ko kaleje se lagaa rakkhaa hai

*

Lab pe aahen bhi nahin aankh mein aansoo bhi nahin
Dil ne har raaz muhabbat ka chhupaa rakkhaa hai

*

Tune jo dil ke andheroN mein jalayaa tha kabhi
Wo diya aaj bhi seene mein jalaa rakkhaa hai

*

Dekh jaa aake mehekte huwe zakhmoN ki bahaar
Mein ne ab tak tere gulshan ko sajaa rakkhaa hai

*

(( Click here for more Kalam-e-JaaN Nisar Akhtar ))