Tukrhey Mere Ek Roz Ye Talwaar n Kar De

We would be extremely happy if you would tell others by pressing the share button below.

Bikhre Moti

* * * * *

Patthar mujhe sharminda-e-guftar n karde
Unchaa meri aawaz ko deewar n karde

*

Majboor-e-sukhan karta hai kyun mujh ko zamana
Lehja mere jazbaat ka izhaar n karde

*

Zanjeer samajh kar mujhe torha to hai too ne
Ab tujh ko pareeshaN meri jhankaar n kar de

*

Mai khudd ko mita kar tera shahkaar bana hooN
Neelaam mujhey tu sar e bazaar n kar de

*

Chalta hooN to parhte hain qadam merey hawa par
Darta hooN hawa chalne se inkaar n kar de

*

Har saans naye zakhm lagati hai “Muzaffar”
Tukrhey mere ek roz ye talwaar n karr de

*

Shair : Muzaffar

***

Kalam-e-Sayyid   |   Kalam-e-Saahil   |   Kalam-e-Aamir