Urdu Nazam : Tu kisi aur ki jaageer hai Ay jaan e Ghazal

Urdu Nazam

Urdu Nazam : Tu kisi aur ki

♥

Tu kisi aur ki jaageer hai Ay jaan e Ghazal
Log toofaan utha denge mere saath n chal

Pehle haq tha teri chahat kay chaman pe mera
Pehle haq tha teri Khushboo e badan pe mera

Ab mera pyar tere pyar ka haqdaar nahin
Mein tere gaisu o rukhsaar ka haqdaar nahin
Ab kisi aur ke shane pe hai tera anchal
Log toofan utha denge mere saath n chal

Mein tere pyar se ghar apna basaun kaise?
Mein teri maang sitaron se sajaaun kaise?
Meri qismat mein nahi pyar ki khushbu shayad
Mere hathon ki lakeeron mein nahi tu shayad
Apni taqdeer bana, mera muqadar n badal
Log toofan utha denge mere saath n chal

Mujhse kehti hai ye khamosh nigahein teri
Meri parwaz se uunchi hai panahain teri
Aur gairat-e-ehsas pe sharminda hoon
Ab kisi aur ki bahoon mein hai baahein teri
Ab kahan mera tikana hai, kaha tera mehel
Log toofan utha denge mere saath n chal

Tu kisi aur ki jaageer hai ay jaan e Ghazal
Log toofaan utha denge mere saath n chal

♥

Mazeed :   Bikhre Moti   |   Nazam   |  FB Page

Indian Pakistani Most Popular and Unique Poetry will be found only on Mehfil e Shayari.