Urdu Shayri Saahil Qadri

♥

Kabhi shabnam ke qatron ko bhi tufaaN ka bhawanr samjha
Kabhi ankhon ne jugnu ko chirag-e-rehguzar samjhta

♥

Kabutar hamsafar ki justjoo mein chhat pe aaya tha
Mariz-e-ishq khud nikla jise mein namabar samjha

♥

Meri aankhon me dekha bhi to kya dekha are nadaN
Wo khoon-e-dil ka toofaN tha jise tu chashm-e-tar samjha

♥

Nazar pehlu ki janib jab padi to ye huwa zahir
GhamoN ka ek darya tha jise ab tak jigar samjha

♥

Hawadis ne mujhe chokanna itna kar diya “Saahil”
Wo dhadkan apne dil ki thi jise aawaaz-e-dar samjha

♥

Mazeed: kalam-e-Saahil Qadri