Us ne kuchh muskura ke dikh liyaa | Daagh

<< Daagh Dehelvi >>

* * * * *

Jazba-e-dil aazmaa ke dekh liyaa
Us ne kuchh muskura ke dikh liyaa

*
Gair ko munh lagaa ke dekh liyaa
Jhoot sach aazmaa ke dekh liyaa

*

Un ke ghar “daagh” jaa ke dekh liyaa
Dil ke kehne mein aa ke dekh liyaa

*
Log kehte the chup lagi hai tujhe
Haal-e-dil bhi sunaa ke dekh liyaa

*
Jaao bhi..! kya karoge mehr-o-wafaa
Barhaa aazmaa ke dekh liyaa

*
Ab khareedar hi nahin koi
Mol apna badhaa ke dekh liyaa

*
Tum ko hai wasl-e-gair se inkaar
Aur jo ham ne aa ke dekh liyaa?

*
Rashk hai namah bar ne us ka jamaal
Meri aankhon se jaa ke dekh liyaa

*
“Daagh” ne khoob aashiqii ka mazah
Jal ke dekha, jalaa ke dekh liyaa

***

(( Click here for more kalam-e-Daagh Dehelvi ))