Waqt-e-Safar Qareeb Hai, Bistar Samet LuN

Bikhre Moti

<<->>

Waqt-e-safar qareeb hai, bistar samet luN
Bikhra huwa hayaat ka daftar samet luN

*
Phir jaane ham milen n milen, ek zraa ruko
Mein dil ke aaine mien ye manzar samet luN

*
GairoN ne jo sulook kiye un ka kya gila
Phenke hain doston ne jo pat’thar samet luN

*
Kal jaane kaise hoNge, kahaN hoNge ghar ke log
AankhoN mien ek baar, bharaa ghar samet luN

*
“Ajmal” bhatak rahi hai zamane mein jalti aag
Jee chahta hai seene ke andar samet luN

*

By : Ajmal Ajmali

*

Return to Bikhre Moti