Famous Urdu Shayari

*

Chupke chupke raat din aansu bahana yaad hai
Ham ko ab tak aashiqi kaa wo zamaana yaad hai

*
Tujhase milate hi wo kuch Bebaak ho jaanaa meraa
Aur teraa daatoN mein wo Ungali dabaana yaad hai

*
Kheench lenaa wo meraa parde ka kona daf”atan*
Aur dupatte se teraa wo Moonh Chhupaana yaad hai

Daf’atan = Achanak

*
Gair ki nazroN se bachakar sab ki marzi ke khilaaf
Wo teraa chori chhupe raatoN ko aana yaad hai

*
Aa gaya gar* wasl* ki shab bhi kahin zikr-e-firaaq*
Wo teraa ro ro ke mujhako bhii rulaana yaad hai
Gar = Agar | wasl = milan | firaaq = judai

*
Do-pehar ki dhuup mein mere bulaane ke liye
Wo teraa kothe pe nange paaoon aana yaad hai

*
Chori chori ham se tum aa kar mile the jis jagah
Muddatein guzari, par ab tak wo thikaana yaad hai

*
Berukhi ke saath sunnaa dard-e-dil ki dastaaN
Aur teraa hathoon mein wo kangan ghumaana yaad hai

*
Waqt-e-rukhsat alvidaa kaa lafz kehne ke liye
Wo tere sukhe laboon kaa thar-tharaana yaad hai

*

By Hasrat Mohani