Qateel Shifai ki Shayri

♥

Har Be-ZabaaN Ko Shola-Nawa Keh Liya Karo
Yaaro Sukoot Hi Ko Sadaa Keh Liya Karo

♥

Khud Ko Faraib Do Ke N Ho Talkh Zindagi
Har Sang-dil Ko Jaan-e-Wafaa Keh Liya Karo

♥

Gar Chaahte Ho Khush Rahain Kuch Bandagan-e-Khaas
Jitne Sanam Hain Un Ko Khuda Keh Liya Karo

♥

Insaan Ka Agar Jo Qad-o-Qaamat N Badh Sakae
Tum usko Nuqs-e-Aab-o-Hawa Keh Liya Karo

♥

Apnay Lye Ab Ek Hi Raah-e-Najaat Hai
Har Zulm Ko Razaa-e-Khuda Keh Liya Karo

♥

Le De Ke Ab Yehi Hai Nishaan-e-Ziyaa “Qateel”
Jab Dil Jalay To Us Ko Dia Keh Liya Karo

♥

Mazeed: kalam-e-Qateel Shifai