web statistics

Mehfil-e-Shayri

The Grand Collection of Great Urdu Poetry / Shayari

pakistani shayri

Us Ko Kho Kar To Mere Paas Bacha Kuchh Bhi Nahin

by Leave a Comment

Akhtar Shumaar Shayari

Akhtar Shumaar : Bacha Kuchh Bhi Nahin

Akhtar Shumaar Urdu Poet

♥

Us ke nazdeek gham-e-tark-e-wafa kuchh bhi nahin
Mutmain aisa hai wo, jese hua kuchh bhi nahin

♥

Ab to haathon se lakeerain bhi miti jaati hai
Us ko kho ker to mere paas raha kuchh bhi nahin

♥

Kal bicharrna hai to phir ehd-e-wafa soch ke baandh
Abhi aaghaaz-e-muhabbat hai gaya kuchh bhi nahin

♥

Main to is waaste chup hoon keh tamaasha n bane
Tu samajhta hai mujhe tujh se gila kuchh bhi nahin

♥

Chaar din reh gaye maile mein magar ab ke bhi
Us ne aane ke liye khat mein likha kuchh bhi nahin

♥

Aye “Shumaar” aankhain isi tar’ha bichaaye rakhna
Jaane kis waqt wo aa jaaye, pata kuchh bhi nahin

♥

Poet: Akhtar Shumaar

♥

Return to Bikhre Moti

Facebooktwitterredditpinterestlinkedintumblrmail
Post Views: 16,320

Thaher Jaao Ke Hairani To Jaaye | Mohsin Naqvi

by 1 Comment

(Mohsin Naqvi)

*

Thaher jaao ke hairani to jaaye
Tumhari shakl pahchhani to jaaye

*

Shab-e-gham.! tu hi mehmaN ban ke aaja
Hamare ghar ki weeraani to jaaye

*

Zara khul kar bhi ro lene do ham ko
Ke dil ki aag tak paani to jaaye

*

Balaa se tod dalo ainoN ko
Kisi surat ye hairani to jaye

*

( Click here for more kalam-e-Mohsin Naqvi )

Facebooktwitterredditpinterestlinkedintumblrmail
Post Views: 3,385

Ab To Ham Baat Bhi Karte Nahin Ghamkhwaar Ke Saath

by 6 Comments

Ahmad Faraz ki Shayari / Ghazal

♥

WehshateN badhti gai hijr ke aazaar ke saath
Ab to ham baat bhi karte nahin ghamkhwar ke saath

Wehshat = Ghabrahat | Hijr = Tanhaai | Aazaar = Marz / Bimari

♥

Ab to ham ghar se nikalte hain to rakh dete hein
Taaq par izzat-e-saadaat bhi dastaar ke saath

Dastaar = Paghdi/Safaa

♥

Ek to khwaab liye phirte ho galiyon galiyo
Uspe takraar bhi karte ho khareedar ke saath

♥

Is qadar khauf hai us shehr ki galiyon mein, ke log
Chaap sunte hein to lag jaate hein deewaar ke saath

Chaap = Qadmon ki aahat

♥

Shehr ka shehr hi naaseh ho to kya kijiyega
Warna ham rind to bhidh jaate hein do chaar ke saath

Naaseh = Nasihat karne waala | Rind = Sharabi

♥

Ham ko us aehd mein tameer ka soda hai jahan
Log me’amaar ko chun dete hein diwaar ke saath

Tameer = Building / nirman | me’amaar = Architect / wastukar

♥

Jo sharaf ham ko mila koocha-e-jaana se “Faraz”
Soo-e-maqtal bhi gaye hain usi pindaar ke saath

koocha-e-jaana = mahboob ki gali | pindaar = guroor/garv

♥

Ahmad Faraz ki Shayari / Ghazal

Mazeed: kalam-e-Ahmad Faraz

Facebooktwitterredditpinterestlinkedintumblrmail
Post Views: 8,838

“Faraz” Ab Koi Sodaa Koi Junoon Bhi Nahin

by Leave a Comment

<< Ahmad Faraz >>

*

“Faraz” Ab Koi Sodaa Koi Junoon Bhi Nahin
Magar Qaraar Se Din Kat Rahe Ho Yun Bhi Nahin

*

Lab-o-Dahan Mila, Guftagu Ka Fun Bhi Mila
Magar Jo Dil Pe Guzarti Hai Keh Sakuun Bhi Nahin

*
N Jaanay Kyun Meri Aankhain Barasne Lagti Hain
Jo Sach Kahuun To Kuch Aisa Udaas Hun Bhi Nahin

*
Meri Zabaan Ki Luknat Se Badguman N Ho
Jo Tu Kahay Tou Tujhe Umer Bhar Miluun Bhi Nahin

*
DukhoN Ke Dher Lage Hain Ke Loog Baithe Hain
Isi Dayaar Ka Mein Bhi Hun Aur Hun Bhi Nahin

*
“Faraz” Jaise Diya Qurbat-e-Hawaa Chaahe
Wo Paas Aaye To Mumkin Hai Mein Rahuun Bhi Nahin

*

(Click here for more kalam-e-Ahmad Faraz)

Facebooktwitterredditpinterestlinkedintumblrmail
Post Views: 10,937

Usne Jab Jab Bhi Mujhe Dil Se Pukara “Mohsin”

by Leave a Comment

<< Mohsin Naqvi >>

*******

Usne jab jab bhi mujhe dil se pukara mohsin
Mein ne tab tab yeh bataya ke tumhara mohsin

*

Log sadyon ki khataon pe bhi khush rhte hain
Humko lamhon ki wafaon ne ujada mohsin

*

Jab yaqiN aagaya ab wo nahin aayegaa
Gham aur anso ne diya dil ko sahara mohsin

*

Woh tha jab pas to jeene ko bhi dil karta tha
Ab to pal bhar bhi nahin hota guzara mohsin

*

Usko pana to muqadar ki lakeron men nahin
Uska khona bhi kareN kaisa gawaraa mohsin

*

( Click here for more kalam-e-Mohsin Naqvi )

Facebooktwitterredditpinterestlinkedintumblrmail
Post Views: 14,491